2016年9月30日 星期五

化妝棉~護膚基本需要用品,亦係好難搵到啱心水

今次介紹嘅係一個日本製嘅化妝棉係莎莎卓悅各大化妝品舖應該都搵到架啦⋯⋯

見到佢有三個公仔頭介紹呢個化妝棉其實可以點用:

基本清潔/擦拭抺面:
實際佢係5塊薄薄嘅化妝棉夾成1塊較厚身嘅化妝棉,正常用嚟索化妝水拍上面抺走面上老化角質層或抺御妝水落妝我會建議是撕一至兩塊薄身嘅出嚟用,絕對唔使咁晒料用一晒整塊

緊急補水用敷面:
如果好似我咁懶又咁慳,就可以用整塊即係夾咗5薄片嘅,索晒化妝水/花水/神仙水,記得想要敷面一定要索得夠濕先用,先輕抺走面上老化角質,再續片撕返5片出嚟敷面,如上圖咁敷返面上5點,敷返兩三分鐘後,撕返出嚟叠返一齊再輕拍返剩餘嗰啲花水/神仙水上面仲可以好有水份咁拍上面,一啲都唔好浪費,因為輕拍化妝水上面呢個動作亦係可以令皮膚水潤令花水/神仙水更吸收,之後可以繼續搽日常護膚品,好方便!
有時懶又或者趕時間,但又面乾乾,唔想敷完Mask又要洗下個面先再搽嘢就可以咁做😉

呢啲轉季時份用以上方法可以保住皮膚唔好咁乾燥同敏感,Mask就唔可以日日敷,但係神仙水/花水就日日敷都完全無所謂!朝早皮膚狀態唔太掂,用呢個方法急救下都唔錯👍🏻

正正亦講出點解我咁鐘意呢款化妝棉,除咗實用佢亦都好好質地,相當軟滑👍🏻
價錢都唔貴,經常特價20蚊到一盒,絕對抵用!

無論基本清潔擦拭面上污垢老化角質,定係化妝水敷面補水,記得化妝棉必須夠濕先好擦上面,因為乾燥嘅化妝面只會同你嘅皮膚作出摩擦引起刺激或敏感反應!化妝水就唔好慳喇!每日一次將老化角質抺走,之後再擦嘅護膚品先真正做到最吸收啦!

Facebook專頁



一旦迷上,好難忍手~

迷上Lecreuset 同迷上SKII 一樣,好難忍手呀⋯⋯

有實際用途亦有觀賞用途更有治療心靈嘅一大用途!

秋天日本限定紅葉版~救命呀⋯⋯點忍呀⋯⋯
好彩剛有老細去日本遊玩順便幫我買下心頭好😍😘

超級心心眼😍

2016年9月25日 星期日

港女追捧名牌餐具~Lecreuset

剛過去就係一眾港女追捧嘅餐具品牌Lecreuset 半年一度開倉大日子!

當然,我呢個100%港女亦都追到貼一貼,因時間關係都入咗兩場掃貨,但係心頭好五層架就無緣成為家中一份子喇!太搶手!心有戚戚焉呢⋯⋯


今次買嘅嘢唔算多啦!專攻石頭系列,因為煲就係開倉前英國網購站The HUT買咗兩個🤗🤗超級抵買!

我呢個紫控+粉控當然就係癲咗地揀揀揀、買買買啦!

對比起上一次4月嘅開倉今轉算係多貨揀,至少好多Hot item都可以見到、揀到、買到!

👆🏻呢張係第一次入場嘅收穫,第二次入場就添咗👇🏻呢啲
手就係好難忍咖⋯我諗你哋係會明嘅,除非真係唔明啦⋯⋯

迷上Lecreuset 皆因我家有個東芝水波爐,Lecreuset 嘅煲及餐具與水波爐係好朋友,結合下齊用係無懈可擊!可燉、可炆、可焗、可烤亦可蒸,當然微波亦都係無問題啦⋯⋯


剛敗完家就要扮嘢善用買咗返嚟嘅心頭好啦⋯⋯好靚、好靚、好靚呀!
重點:👆🏻桂圓杞子燉雪梨
東芝水波爐 superheat steam 160度30min 完成

愛上廚房、愛上水波爐、愛上Lecreuset

#Lecreuset
#LC
#Lecreuset開倉2016秋
 





2016年8月13日 星期六

GIVENCHY碎粉用一個月後感~

十呢個碎粉真係要小心⋯一試會愛上,極幼滑、質感輕身、Matt tone <—係夏天我唔想太光澤!

👇🏻留意下兩個粉卜係唔同料嚟!

我當初只想試下所以係counter揀咗盒紫、藍色,因Mix後係變提亮,通透色tone,紫藍亦可減低偏紅膚色!點知用落試真係會好鐘意佢嘅質地超輕亦超級貼膚!仲要係咁熱嘅天氣下出一日街都keep到無溶妝,只係鼻翼位有啲出油情況,絕對接受到啦!日日三十幾度喎⋯
Counter 姐姐教你就係用佢個卜上面,由外而內咁上面嘅,因為粉太幼滑如果第一下就上面珠嘅話就會好重手。
不過我一向唔buy用卜上粉,無論碎粉與粉餅我都係用掃上面,令面上沾粉均勻同埋薄身自然,所以呢個我都係用個大碎粉掃上面,我都係由外以內掃上面,眼底同鼻翼我就會用卜上面剩餘嘅份量壓一壓,再用細掃輕掃走多餘嘅份量,咁妝會持久一啲!

另外,佢個綠色tone可以用嚟掃係啲偏紅位置,我亦有用佢嚟遮蚊「冷」位,先用遮瑕再用佢定妝👍🏻


之後咁啱有朋友仔網購嘢,即刻順便加埋單買多盒,膚色tone,掃上面有揉膚自然色調!跟住對比兩盒粉嘅粉卜質地唔一樣,英國網購嗰盒個粉卜靚啲喎!仲要咁樣網購返嚟$3xx 平香港買百幾蚊,香港counter買$505!



2016年7月14日 星期四

遲來的朝聖~LadyM


港女熱捧LadyM 千層蛋糕

講真雖然要排下隊先有得舒舒服服坐底食件Cake,但係真係味道唔錯。成件Cake🍰食晒都唔覺膩,Cream又滑一滑薄薄一層叠一層原全唔厚重,只有豐富口感又有蛋香👍🏻。

只係價錢有點兒貴,不過偶爾同姊妹一齊梳肝享受下氹下自己開心都係件賞心樂事!


另外,佢有杯Paris嘅茶值得一推,未飲入口淨係沖出嚟都已經香氣四溢,未入口已經加分不少!


2016年7月13日 星期三

辣辣車仔麵

一個辣汁令我迷上十年~

呢個辣汁車仔麵極好味,又香、又辣,料又夠新鮮,極推薦試辣豬紅👍🏻,蘿蔔無渣又甜,入味透心,其他餸亦都係有讚無彈,不過認住要登龍街呢間先好食咖!






2016年7月10日 星期日

電捲睫毛器

超讚~日本無印良品敗回來的電捲睫毛器估唔到咁好用!仲要兩面都可以用咖!

其實呢類電捲睫毛器真係大大小小嘅品牌都有出過,但係唔係真係有咁掂,講真有好多其實都係幾無料到,但比我發現無印良品出呢個又真係好掂下,所以推薦比懶人一族

溫馨提示:凡親用電捲睫毛器係必須先搽好睫毛膏而且要乾得九、十成先用,咁先有效!先由根部「浪」起,就可以Keep到挺嘅效果!
兩邊頭都有發熱線,一邊☝🏻️令上眼睫毛翹,另一邊👇🏻可以電眼頭同下眼睫毛
☝🏻️預熱好嘅時候會顯示綠色
Post一下before & after
原來嘅眼睫毛一啲都唔翹嘅⋯⋯
三兩下手勢就即時令眼睫毛變翹,成對眼精靈晒,鐘意嘅話根位可以再翹高啲,不過要自然唔作狀我本人就覺得有呢個效果我已經夠使!

2016年5月6日 星期五

ASANA一秒神水試用review

 上星期開始用呢個ASANA一秒神水
首先睇睇官方介紹呢個產品
另外就係官方建議嘅用法
咁我就用咗成個星期喇!有咩感覺?打唔打動到我呢個SKII Fans?可唔可以令我放棄SKII 神仙水?
答案係.....
唔會嘅!我依然要繼續做Fans!
Why ?我諗我未到咁熟齡肌膚去用呢個一秒神水喇!
我係呢個星期都用咗幾個方法用神水,希望搵到一個最適合我用嘅⋯⋯

跟官方建議用化妝棉輕抹同輕拍上面,勁水潤,塊面勁多神水,But吸收得勁慢十幾分鐘都仲係笠笠地嘅!
我諗我唔係咁dry skin「卦」,但係我之後再搽嗰啲skin care都好似浮住係面,要一段時間先可以吸收到,但係平時唔係咁嘅⋯⋯結果我要死等爛等佢吸收咗先可以搽其他Skin care
用導出導入機試用,先用Toner導出再用神水導入,結果都係勁慢地吸收⋯
配合Glycel呢個嫩膚儀,結果又好好多,唔知係咪因為呢個嫩膚儀係有42C熱力,有助吸收或「蒸發」咗啲神水,終於都唔會Keep住塊面要「笠」一段時間先吸收到晒啲神水,所以我都用咗呢個配合三日

講到效果:
我又唔覺得有咩咁神效,比我當年開始用神仙水時候嗰效果差好遠喎!
用住呢個星期又唔覺塊面點樣明亮咗同緊膚咗⋯⋯
以價錢嚟講如果一直都係賣~HK$300我都可以接受冬天用佢or配合Glycel嫩膚儀用,但係如果之後正價係~HK$800一枝我係絕對唔會買,寧願加少少買返SKII 嘅神仙水,至少神仙水拍上面一陣就吸收又會見到毛孔收細嘅改善,又見到肌底變得有光澤,敷上面同額頭都會見到有明亮咗!仲要改善到暗粒嘅問題添!

又咁講,呢個Product 係韓國人用嘅,應該係韓國天氣極乾燥,所以佢哋要用啲好潤嘅產品,而香港天氣跟本就無呢種乾燥,依家更係春夏時候,唔啱用係應該嘅,又或者比再熟齡肌嘅媽媽級用會啱啲!





2016年4月30日 星期六

ASANA一秒神水首日試用

其實我一向都用住SKII 神仙水,亦係Fans,用咗好耐好耐都覺得好用所以Keep住用嗰隻~
今次呢個ASANA一秒神水係韓國出品,亦都係打正旗號vs SKII 神仙水!
咁啱神仙水存貨用晒就嚟試下佢可唔可以令我呢個fans變心

第一晚試用先用toner抹走老化角質,再用化妝棉將呢一秒神水拍上面,係有滋潤度,成分鐘塊面都覺得笠笠地,但係肉眼唔再見到面上有濕喇,但手摸都係笠笠地,可能就係佢個59秒濕潤嘅效果嚟!

試佢一星期再同大家報告報告!
PS 如果怕笠或偏油性膚質就自己考慮下先試喇!

2016年4月28日 星期四

今期愛上嘅氣墊粉底~植村秀

相信Cushion 底妝,如粉底、CC Cream、BB Cream等都已經出到街知巷聞,各大品牌都相繼有氣墊產品連胭脂都有出氣墊系列,而且唔再係韓國品牌嘅專利喇!


但係以往買嘅Cushion 底妝品都有相同嘅缺點尤其韓國品牌出品,就係色系好白、好粉色,以我本身都白淨嘅有時都會嫌太白,雖然色系啱但係太白有時影相好爆光~所以我一直都想搵到有偏向有膚色嘅Cushion 底妝品!

可能你會話咁咪用返傳統粉底咪得囉,但係我又想講其實我貪靚嘅同時都貪快嘅!Cushion 底妝品貼面,Coverage 好又易Handle,三兩下手勢就會化到個貼面水嫩嘅底妝,針無兩頭利!同時通常Cushion 底妝品都要預持久度唔長,所以有時我返工一日個樣會慢慢變~攰!因為我唔Like補妝~太懶( ̄▽ ̄)

之前都有用開一啲品牌嘅Cushion 底妝Laneige、雪花秀、Lancôme 等等~
laneige就唔知係咪佢防水功效太強勁,我就用咗面上會不斷出暗粒,可能太焗身我嘅皮膚頂唔順;(即刻送咗比朋友,佢用又Ok喎!)
雪花秀原本係比較潤,所以我係秋冬時候用覺得非常Perfect,而且佢有5個色號比較好選擇唔使爆光;
Lancôme 滋潤度一般般所以比較係冬天尾到春天時候用都OK,而且佢有抗污染同抗炎成份,所以春夏用都唔擔心易出粒粒,膚色都有4個色號揀,但係我就絕對唔Like佢個粉卜喇!好Hea嘅一個粉卜所以換咗用雪花秀跟果個嚟上妝就好好多喇!

今次要介紹嘅Shu uemura就係我呢期至愛~
第一樣令我愛上就係佢好多色號揀,而且啲色號係偏向貼膚色,絕對唔會令面色變反白Or慘白,無論係白淨同健康膚色都應該搵到你杯茶

可以睇睇官網介紹


另外就係佢嘅貼面度好好同持久度相當好,返工或出街一日都唔見到要補妝,一日由朝到晚仍然Keep得好好,其實我好懶,極度少會係街補妝,通常化咗個妝出街就係咁咖喇!無咩特別出咗事都好少拎個化妝袋出嚟用!
另外佢個粉卜我係超級激讚,係有啲絨毛質地,係面珠或要Coverage 高嘅位就用印嘅方式,另外額頭、鼻同埋腮下位置用輕推就可以推薄,咁就可以令到成個底妝有厚薄之分,呢樣真系加分再加分(^o^)
Coverage 相當唔錯,可以唔使On top上遮瑕產品,除非黑眼圈好勁另計(黑眼圈要調色呀!)
另外佢上面效果水嫩得嚟唔會令你爆光到好似打咗水光針咁,其實水嫩呢家嘢點到即止夠就得咖喇!Shu 拿捏到喎~其實太「令」我真係唔太Like,可能本身膚色較白底再「令」埋就攪到塊面包上加包~本身我都好麵包超人咖喇=_=

呢期亦見到有唔少網絡上介紹韓國品牌百幾蚊有交易嘅高Coverage Cushion 底妝,但係睇過色號真係太少了得兩號仲要兩號都係偏白,唔係我杯茶,同埋呢個植村秀我真係未捨得唔用住呀!

2016年3月30日 星期三

Sorry咁遲先再出Post~因為要試真啲!

今次要介紹嘅係精華液!
啱啱由好乾燥嘅天氣轉左極潮濕嘅天氣而家又變返乾燥嘅天氣嚟緊又會潮濕!
究竟skin care應該點用好呢?
在於我嘅concept 一定要水油平衡,點解?因為冬天乾燥一定要保油又保濕啦!潮濕同夏天你一定會開冷氣瞓覺自然會比較乾燥!
晚上護膚不能懶
早上都係一般護膚程序搽到精華液就停手,接住就係搽base,因為妝前搽cream嘅話之後個妝都好難keep得好!
講真而家所有護膚品都係著重科研,
今次介紹三種精華液,當然功效好又有保證我先可以介紹啦!

1. Bicelle SCA 40活膚修復精華 Cell      repair essence SCA40

     乜嘢叫做SCA 其實系一種活膚再生因子嚟嘅,跟住嗰個數字其實就係有幾多percent的濃度,呢隻精華亦有低啲濃度15%,但係我用過就覺得SCA15陣味度好難聞!
    而呢一個SCA40%冇咩特別味道,講講功效先~徹底修復老化細胞回復年輕健康皮膚;可以刺激骨膠原增生撫平皺紋同埋表情紋,可以印埋係眼底做眼部精華;保濕同埋可以提升肌膚彈性同埋緊緻度;當然唔少得Bicelle強項~高效抗氧保護,同埋做完激光、煥膚之類美容療程都一樣用得!換句話說敏感皮膚用都完全冇問題!
   呢個精華份子好細,印咗上面之後就好快已經吸收晒啦!用後會愛上,因為毛孔同細紋係有改善,同埋自然會感覺到皮膚妝態好咗好多<<<呢點要用耐少少就明顯好多,少咗泛紅同埋敏感嘅情況!我呢啲成日日夜癲倒既人好易一個通宵就殘晒,此精華非常啱我,殘樣亦改善不少!
 我亦試過另一品牌嘅SCA 40 但係好笠好難吸收,用幾次塊面仲要起晒暗粒~所以份子細吸收快係好重要

2. 最近精華界嘅熱話~水感肌塗抹水光針
佢有"超微細胞滲透專利技術",利用納米技術將精華細胞分子唔做都最細最細,滲透度超高~
功效嚟講有三個主要效用
-水光補水:填補真皮層嘅玻尿酸,增加表皮同真皮層含水量,做到幫皮膚補水、鎖水、儲水嘅效果
-水光美白:加速皮膚新陳代謝,改善暗黃乾燥、排出黑色素、做到提亮膚色
-水光袪皺:可以增強皮膚嘅彈性、促進膠原蛋白增生、緊緻皮膚

唧出來搽嘅時候覺得佢有少少杰身,推上面嘅時候就會發覺佢會變得好水潤。補水效果確實唔錯,夜晚搽完第二朝洗完面都有水光感覺,但係我只係夜晚用,因為覺得妝前用太保濕怕好易溶妝!
用佢嚟厚敷做急救保水面膜亦相當好效果。

3. Shu uemura Ultime 8黃金琥珀精油精華

由八種極精純活肌草本精華有結合而成,亦有抗衰老因子、天竺葵精油⋯專利活性成份係皮膚底層之間發揮作用,增加聚糖及刺激膠原蛋白增生,減淡皺紋重塑完美年輕嫩肌
半揼已經可以搽均全面,份子真係好細好吸收,我試過點個面到唔推勻都照樣吸收。
搽完上面即時令到面有光澤感,毛孔即時收細,妝前用亦無問題,因為吸收得好快,原全無「腍笠」嘅感覺!

女人來說護膚品從來都唔嫌多~但一定要有好效用

護膚品可以增加膠原蛋白增生的確係好Basic嘅選擇一項
 

2016年1月6日 星期三

今次分享吓肌底水/肌底液/保濕水

其實一年四季我都無間斷咁用肌底水/肌底液/保濕水產品作為護膚第一、二層。通常依家啲toner 都唔再淨係只單一爽膚用途,大多都稱為保濕水、精露、肌底水或肌底液

好唔好用就好易分,一拍上面皮膚就變得軟滑有光澤,一下子就吸收,毛孔有收細效果,而且係keep 到個底層保濕,唔係未搽到精華塊面就變得乾憎憎,所以試得太多得到結果有幾個品牌係無得輸,久而久之就變咗fans喇!耐唔耐貪新鮮總會試下新嘢,但如果其他品牌無得別優勝之處就自然用返好嘢!你懂的,護膚係一項大Project,用咗無成效就無謂浪費時間同自己塊面^_^ 

肌底液其實係咩?其實係一種含有活性精華的化妝水,質地有啲係是稀身啲水質,有啲係較稠嘅近似啫喱水質地。

咁肌底水點解咁好用?因為肌底液有軟化同滋潤角質,令角質層更容易吸收後續的保養品。另外,唔少肌底液亦含有活化細胞的成份強化細胞的吸收力,咁換言之對護膚效果提升係有幫助。

溫馨提示肌底液/肌底水/保濕液唔等於精華素,所以唔好以為搽咗之後唔使用精華素

通常我會睇下天氣去決定呢一排用邊種質地嘅保濕水,同埋都分早、晚用唔同嘅product

Melvita 花水
夏天或者濕度高嘅早上通常都都用呢個花水,質地水質既保濕又清爽,好快就吸收,用完塊面皮膚好舒服。呢個揀朝早用係佢有啲舒緩作用,有時朝早瞓醒面會有泛紅,用佢會有幫退紅

Melvita有機水仙美白精露
官網介紹:有助肌膚回復透亮白淨,增加透明感、淡化雀斑同黑斑等色素積聚問題,防止色斑形成。含有檸檬精華、木瓜柑橘及橄欖複合物,含豐富維他命C、E 及酵素


夜晚或轉季早上化妝前用呢個Nars Multi-Action Hydrating Toner,用咗後即時覺得水嫩晒,啲保濕水pump到皮膚入面細紋都淡咗,幫人化妝我都多數用佢,事半功倍,塊面打個底好啲粉底都貼面好多,用咗N咁多枝,其實Sogo thankful week買係有機會抵買啲,年頭個次係買一送一,不過啱啱11就無喇!

官網介紹:晶潤保濕水
溫和無酒精配方,含有由(TMG)甜菜根提煉複合物可加速皮膚角質層天然酵素嘅活動力,有效去除肌膚角質層老廢細胞。
可以令皮膚散發光采,令皮膚細緻光滑水嫩

下為新試Matricium昇華水,用咗個幾月覺得好好用尤其呢排咁突然咁乾燥,用咗塊面皮膚好水感同Nars嗰枝有得比,佢仲有啲光澤感添

官網介紹:
Matricium注活細胞能量昇華水:細胞外基質天然元素63種全屬自然存在於皮膚中,亦係細胞內基質嘅組成物質,100%與皮膚產生生物相容性,極易被皮膚細胞直接吸收,快速發揮功效
為皮膚細胞直接補充營養維持細胞健康,激活膠原蛋白、彈力纖維及細胞外基質嘅再生

Menard Tsukika Lotion Moist
呢個係秋冬或者夏天平時開冷氣瞓用都係啱,即時吸收保濕又細緻咗毛孔,味道都幾好聞可能係曇花味(其實我唔知曇花係咩味)

官網介紹:曇花精華爽膚露
蘊含以獨家先進科技萃取的曇花精華及當中高度保濕成分「生化多醣」,會提升肌膚儲水空間讓肌膚回復柔韌水嫩,特別加入(立體水分子)加倍軟化肌膚,補充水份及養分


以上係第一度用上面抺走老化角質

下面兩個係我會第二度用嘅精華水:

秋、冬乾燥夜晚我通常都用呢個RMK W treatment Oil 我覺得配埋Glycel 呢個嫩膚儀用係一流嘅!皮膚應該要用水油平衡,乾燥天氣淨係保水係唔夠,應該要有啲油份打底皮膚先可以健康。呢排咁乾燥又凍,我晚晚都用佢嚟碌面。正到不得了!一到秋冬實要買返枝嚟用!

用前搖勻,水、油黃金比例,味道好好聞,會有柑橘、柚子味道,超級like

官網介紹:水油混合配方補水兼鎖水,提升後續護理的吸收力,可以作為美容精油,促進血液循環叫肌膚變得緊致《所以我配合Glycel 嫩膚儀》

成份含有多種精油,例如:摩洛哥堅果油、茯苓精華、柚籽精華、橄欖油、甘蔗萃取鯊烯油、葡萄籽油、蜂皇漿精華等等.....


SKII 神仙水,我諗係女仔都識佢,我都用咗好多年,用咗N咁多枝,無論如何用過好你係唔會停止。

我會係搽精華液之前就先拍神仙水,有時會用化妝棉濕敷一陣兩邊面珠,尤其覺得想谷暗粒或者毛孔明顯咗嘅時候

官網介紹:護膚精華
90%Pitera ,能溫和清除老化角質調節肌膚更新週期,五大美肌範疇能得到明顯改善同提升,色斑不再明顯減淡細紋及皺紋,膚質變得更細滑緊緻,肌膚散發光澤及晶瑩剔透

今次分享住咁多先~


2016年1月5日 星期二

由睫毛膏開始,開心share

其實本身我睫毛就又短又唔撓嘅!所以要化個全妝對眼要精靈啲除咗用眼線之外又捲又撓嘅睫毛就係令對眼加分重要一環!試儘不少品牌嘅睫毛膏,以下冰山一角,以往用過扔過不計其數
要講好用其實都好個人化,你鐘意誇啲定自然啲?講易唔易溶係咪真係waterproof?咁要睇你眼瞼出油勁唔勁,眼淚流得多唔多喇!
我本身呢就眼油都出得多嘅,另外就係我好容易流眼淚,讓我笑多兩笑呢都流晒眼水嗰啲人嚟!所以大家明點解我試咗咁多睫毛膏!


使用睫毛膏嘅小小心得,一開始拎咗個睫毛膏出嚟一定要先過紙巾,過走起碼七成,一開始由底向上掃,向上掃嘅時候係睫毛根位到停10秒8秒,等個根位挺啲keep住捲,眼頭位置就向鼻樑方向掃,眼尾嗰度嘅位置就向髮線方向掃,咁就會有個發射線咁靚嘅眼睫毛出咗嚟啦!


睫毛膏總括我偏愛以下幾隻:

大愛1.dejavu Lash Up Mascara :夾好睫毛揸佢睫毛唔會drop亦都好自然,根根分明,無一嚿嚿,亦無曱甴腳嘅!Long keep唔易溶



大愛2. 都係同一個品牌,呢期新出嘅~dejavu Fiberwig : 呢一個呢都係揸咗出嚟會好自然嘅眼睫毛唔會drop,佢呢就係新改良咗加長眼睫毛嘅纖維,加長咗眼睫毛又唔會一嚿嚿嘅亦都唔會話好假就好啱我呢啲喜愛自然風嘅煩人!要買就可能要行多幾間SaSa嗰啲先有啦!因為我都行咗幾間先買到,同埋呢一個牌子都出晒名係防溶同埋long keep得好好!



大愛3. Maybelline BIG EYES Barbie mascara,呢一個要讚下Maybelline呢個設計非常好,佢係咁用嘅:先用黑色睫毛膏打底,然後用白色纖維毛毛係睫毛上印幾印(最理想做到向上碌),再用返黑色睫毛膏揸上去,即時濃密咗同加長咗啲睫毛,有啲似假眼睫毛咁,有咩喜慶日子要濃啲妝就啱晒!Good fit!

以前曾經試過美國某品牌出品僭建睫毛嘅黑色纖維毛毛,用法係同Maybelline 呢隻一樣,但係佢嘅黑色纖維毛毛真係好伏,一用實唔多唔少跌咁啲係面,佢本身係好細心地跟咗個小掃仔比你掃走啲毛,但係要掃走就要比啲心機,仲要小心啲咪掃花個妝,用一次即時將佢存起,咪再玩自己!

但係Maybelline呢個係用白色纖維毛毛同埋佢好輕身好黏到睫毛膏,相當User friendly,新手亦無難度!



講完大愛,試咗咁多總有啲係失望嘅!唔啱我用囉~

同期新買咗上圖裡面有出現嘅Lancome Grandiose smudgeproof mascara,一開始用都覺得唔錯,都幾挺無drop到啲睫毛嘅,點知半日唔夠我就自然地有條下眼線陰影,又係用一次就係咁先~   

另外就要極推薦Laura mercier 嘅睫毛夾,因為好適合我嘅眼型弧度,其實幫人化妝多數我都係用呢款,比較易用又較多人適合用,其實坊間有好多同款,但係彈弓同埋條軟膠嘅質素問題,結果都係Laura mercier 呢個無得輸,夾幾夾就又撓又捲!勁推!